´s Loisachtal

1. ´s gibt nur a Loisachtal alloa,

a Zugspitz und an Waxnstoa,

II: da derfst de ganze Welt ausgeh,

du findst es nirgens mehr so schee. :II

2. Die Buam, die habn frischn Muat,

die Madln san so herzli guat.

II: Die Liab und Treu, sie stirbt net aus,

sie is im Loisachtal zu Haus. :II

3. Fahrn ma auf Minga mit an Floß,

des geht vui schneller wia mim Ross.

II: Und beim Steyrer Wirt, da kehr ma ei,

da gibts a Bier und aa´n guatn Wein. :II

4. Wann´s dir im Loisachtal ned gfoit,

mei Liaba, nacha druckst di boid,

II: gfoits dir, so gib mir dei Hand, schlag ei,

du sollst a Loisachtaler sei. :II